Инстаграмм

Қашықтықтан оқытуға көшкелі бері, қазіргі таңда танымал әлеуметтік желілердің бірі Instagram желісінде «№18 жалпы орта білім беретін мектеп» КММ-і парақша ашты. Парақшаның негізгі мақсаты: оқушыларға әлеуметтік желіні тиімді пайдаланудың жолдарын көрсету, қашықтықтан пайдалы ақпараттармен бөлісу. Бүгінгі таңда оқушылар да, ата-аналар да сандық технологияларға жақын. Одан біздің ұстаздар да қалыс қалмай, алғаш рет Instagram парақшасында сынып сағатын өткізді. 1 күннің өзінде жүктелген сынып сағатын мектебіміздің 250 бүлдіршіні тамашалап, ата-аналар тарапынан оң пікірлер қалдырылды. Сынып сағатына кері байланыс жасау мақсатында шағын сайыстар ұйымдастырылып, оқырмандардың қызығушылығын одан да арттыра түсті. Әр күн сайын парақшаға оқушылардың оқу-тәрбие және спорт процесін қашықтықтан оқыту нәтижелері, қызықты бейнебаяндар, ата-аналар үшін маңызды ақпараттар жүктеліп отырады. Қазіргі таңда Абай Құнанбаевтың 175-жылдық мерейтойына орай «Абайды оқы, таңырқа» атты қашықтықтан мәнерлеп оқу сайысы өтіп жатыр. Instagram парақшасы арқылы балалардың ойы мен танымын дамытудың сапалы жүйесін құра алатындығымызға сенеміз. Ең бастысы – ұстаздар әрдайым оқушылардан ұсыныстар мен тың идеяларды қуана қабылдауға дайын.